KHERGAM BLOGGER POST

   વેસ્ટ ઝોન જુનિયર એથ્લેટિક્સ ચેમ્પિયનશિપમાં પ્રેઝી આહિરે જીત્યો કાંસ્ય ચંદ્રક. ખેરગામ, તા. 29 સપ્ટેમ્બર 2026: ગોવાના બામ્બોલિમ ખાતે આવેલા અટલ એથ્લેટિક્સ સ્ટેડિયમ માં તા. 27થી 29 સપ્ટેમ્બર, 2026 દરમિયાન યોજાયેલી 37મી વેસ્ટ ઝોન જુનિયર એથ્લેટિક્સ ચેમ્પિયનશિપ-2026 માં ગુજરાતની યુવા એથ્લીટ પ્રેઝી ધનસુખભાઈ આહિરે શાનદાર પ્રદર્શન કરી ગૌરવપૂર્ણ સિદ્ધિ મેળવી છે. ચેમ્પિયનશિપની **Girls Under-16, 600 મીટર IG Pent – Finals (Event No. 128)**માં પ્રેઝી આહિરે 3064 પોઈન્ટ સાથે તૃતીય ક્રમ મેળવી કાંસ્ય ચંદ્રક પોતાના નામે કર્યો હતો. આ સ્પર્ધામાં ગોવાની આર્ચી કટકર એ 3539 પોઈન્ટ સાથે પ્રથમ ક્રમ, જ્યારે ગોવાની શાયલા નાઈક એ 3256 પોઈન્ટ સાથે દ્વિતીય ક્રમ મેળવ્યો હતો. ગુજરાતની અન્ય ખેલાડી ગાવલી સ્નેહલબેન અનિલભાઈ એ પણ સ્પર્ધામાં સારો દેખાવ કરતાં 2580 પોઈન્ટ સાથે છઠ્ઠું સ્થાન મેળવ્યું હતું. પ્રેઝી આહિરની આ સિદ્ધિથી બહેજ શાળા પરિવાર તેમજ સમગ્ર નવસારી જિલ્લામાં આનંદ અને ગૌરવની લાગણી પ્રસરી છે. તેમની મહેનત અને રમતગમત ક્ષેત્રે કરેલા ઉત્કૃષ્ટ પ્રદર્શન બદલ પરિવારજનો, કોચ, બહેજ શાળા પરિવાર, નવસારી જિલ્લા...

  નવસારીમાં ‘સમરસ વિદ્યા સેતુ’ અભિયાનને સફળતા નવસારી, તા. ૨૦ ઓગસ્ટ, ૨૦૨૬: નવસારી જિલ્લામાં શિક્ષણથી દૂર થયેલા બાળકોને ફરી શાળામાં જોડવાના હેતુથી ‘સમરસ વિદ્યા સેતુ’ અભિયાન અંતર્ગત વિશેષ કાર્યક્રમ એસ.એસ. અગ્રવાલ કોલેજ ખાતે યોજાયો હતો. નાણા અને શહેરી વિકાસ મંત્રી શ્રી કનુભાઈ દેસાઈના અધ્યક્ષસ્થાને તથા આદિજાતિ વિકાસ મંત્રી શ્રી નરેશભાઈ પટેલની ઉપસ્થિતિમાં યોજાયેલા કાર્યક્રમમાં અભિયાનની કામગીરી રજૂ કરવામાં આવી હતી. છેલ્લા ચારથી પાંચ મહિનામાં જિલ્લા તંત્ર અને શિક્ષણ વિભાગના સંકલિત પ્રયાસોથી ૪,૦૭૩ બાળકોને ફરી શાળામાં પ્રવેશ અપાયો છે. ઉપરાંત ૧,૨૦૦થી વધુ યુવાનોને ITI અને કૌશલ્ય આધારિત અભ્યાસક્રમોમાં જોડવામાં આવ્યા છે. મંત્રીશ્રીઓએ બાળકોના શિક્ષણમાં પરિવાર, શિક્ષકો અને સમાજની સહભાગિતાને મહત્વપૂર્ણ ગણાવી હતી. બાકી રહેલા ડ્રોપઆઉટ બાળકો સુધી પહોંચવા ઘર-ઘર સંપર્ક અને વિશેષ ઝુંબેશ હાથ ધરાશે. કાર્યક્રમ દરમિયાન પુનઃપ્રવેશ મેળવનાર બાળકોને સ્કૂલ બેગ તથા અભિયાનમાં કામગીરી કરનાર શિક્ષકોનું સન્માન કરવામાં આવ્યું હતું.

     શામળા ફળિયા પ્રાથમિક શાળામાં 80મા સ્વાતંત્ર્ય દિવસની ઉજવણી. ખેરગામ: શામળા ફળિયા પ્રાથમિક શાળામાં દેશભક્તિના માહોલ વચ્ચે 80મા સ્વાતંત્ર્ય દિવસની ગૌરવપૂર્ણ ઉજવણી કરવામાં આવી હતી. કાર્યક્રમમાં શામળા ફળિયા, ખેરગામના સામાજિક અગ્રણી આગેવાનશ્રી બાબુભાઈ દેવજીભાઈ પટેલના હસ્તે રાષ્ટ્રધ્વજ ફરકાવવામાં આવ્યો હતો. આ પ્રસંગે શાળાના બાળકોએ ઉત્સાહપૂર્વક ભાગ લીધો હતો. બાળકોએ દેશભક્તિ, રાષ્ટ્રપ્રેમ અને સ્વાતંત્ર્ય સંગ્રામના વિવિધ પાસાઓ અંગે ગુજરાતી તેમજ અંગ્રેજી ભાષામાં પ્રવચનો રજૂ કર્યા હતા. આઝાદીની ચળવળમાં પોતાના પ્રાણનું બલિદાન આપનાર દેશભક્તો અને સ્વાતંત્ર્ય સેનાનીઓના યોગદાનને યાદ કરી તેમને શ્રદ્ધાંજલિ અર્પણ કરવામાં આવી હતી. બાળકોના દેશભક્તિપૂર્ણ વક્તવ્યોથી સમગ્ર વાતાવરણ રાષ્ટ્રપ્રેમની ભાવનાથી ગુંજી ઊઠ્યું હતું. કાર્યક્રમ દરમિયાન ઉપસ્થિત મહાનુભાવો, શાળા પરિવાર અને વાલીઓએ બાળકોના ઉત્સાહ અને રજૂઆતને બિરદાવી હતી. શાળાના આચાર્યશ્રી, શિક્ષકગણ અને શાળા પરિવારના માર્ગદર્શન હેઠળ યોજાયેલ કાર્યક્રમ દ્વારા વિદ્યાર્થીઓમાં દેશપ્રેમ, રાષ્ટ્રીય એકતા અને સ્વાતંત્ર્ય સેનાનીઓ પ્રત્યે કૃતજ્ઞતાની ભાવન...

     ખેરગામ કોલેજમાં એન્ટી-રેગિંગ ડે અને રાષ્ટ્રીય ગ્રંથપાલ દિવસની ઉજવણી ખેરગામ, તા. 12 ઓગસ્ટ, 2026: સરકારી વિનયન, વાણિજ્ય અને વિજ્ઞાન કોલેજ, ખેરગામ ખાતે તા. 12 ઓગસ્ટના રોજ એન્ટી-રેગિંગ ડે અને રાષ્ટ્રીય ગ્રંથપાલ દિવસની સંયુક્ત ઉજવણી યોજાઈ હતી. વિદ્યાર્થીઓમાં રેગિંગ જેવી પ્રવૃત્તિઓ પ્રત્યે કાયદાકીય તથા સામાજિક સમજ વિકસાવવા તેમજ પુસ્તક અને ગ્રંથાલય સાથેના જોડાણને વધુ મજબૂત બનાવવાના હેતુથી વિવિધ પ્રવૃત્તિઓ હાથ ધરવામાં આવી હતી. કાર્યક્રમ દરમિયાન કોલેજના ભૂતપૂર્વ વિદ્યાર્થી અને પ્રતિનિધિ મંડળના એડવાઇઝર એડવોકેટ શ્રી નિકુંજ ભરતીયા એ રેગિંગ વિરોધી કાયદા અને નિયમો અંગે વિદ્યાર્થીઓ સાથે સંવાદ કર્યો હતો. તેમણે રેગિંગથી વ્યક્તિના શૈક્ષણિક જીવન, માનસિક સ્થિતિ તથા સમગ્ર કેમ્પસના વાતાવરણ પર પડી શકતી પ્રતિકૂળ અસરો અંગે સમજ આપી હતી. વિદ્યાર્થીઓને કોઈપણ પ્રકારની રેગિંગની ઘટના સામે સતર્ક રહેવા અને આવી બાબત જણાય તો યોગ્ય માધ્યમથી જાણ કરવા માર્ગદર્શન આપવામાં આવ્યું હતું. તેમણે જણાવ્યું હતું કે ઉચ્ચ શિક્ષણ સંસ્થામાં દરેક વિદ્યાર્થીને સુરક્ષિત, સન્માનજનક અને ભેદભાવમુક્ત વાતાવરણ મળવું જરૂરી છે....

   વિશ્વ આદિવાસી દિવસ નિમિત્તે સંકલ્પ એજ્યુકેશન ટ્રસ્ટની સેવાકીય પહેલ ત્રણ ગામોના 350થી વધુ બાળકોને રૂ. 1 લાખની શૈક્ષણિક સામગ્રીનું વિતરણ ગણદેવી/બીલીમોરા, તા. 9 ઓગસ્ટ, 2026: વિશ્વ આદિવાસી દિવસ નિમિત્તે સંકલ્પ એજ્યુકેશન ટ્રસ્ટ દ્વારા ગણદેવી અને બીલીમોરા નજીકના ત્રણ ગામોમાં સેવાકીય કાર્યક્રમનું આયોજન કરવામાં આવ્યું હતું. તાજેતરના પૂરથી અસરગ્રસ્ત પરિવારો અને જરૂરિયાતમંદ બાળકોને મદદરૂપ થવાના હેતુથી યોજાયેલા આ કાર્યક્રમમાં 350થી વધુ બાળકોને અંદાજે રૂ. 1 લાખની શૈક્ષણિક સામગ્રીનું વિતરણ કરવામાં આવ્યું હતું. સંકલ્પ એજ્યુકેશન ટ્રસ્ટ દ્વારા વાઘરેચ, ક્લમઠા નાયકીવાડ ફળિયું અને ધમડાચા ગામોમાં બાળકોને નોટબુક, સ્કૂલબેગ, બોલપેન સહિતની શૈક્ષણિક કીટનું વિતરણ કરવામાં આવ્યું હતું. આ ઉપરાંત જરૂરિયાતમંદ કેટલાક પૂરપીડિત પરિવારોને બ્લેન્કેટનું પણ વિતરણ કરવામાં આવ્યું હતું. વિશ્વ આદિવાસી દિવસના અવસરને સેવાકીય પ્રવૃત્તિ સાથે જોડીને બાળકોના શિક્ષણને પ્રોત્સાહન આપવાનો આ પ્રયાસ કરવામાં આવ્યો હતો. પૂર જેવી કુદરતી આફતના સમયમાં બાળકો અને અસરગ્રસ્ત પરિવારોને સહાય મળી રહે તે માટે ટ્રસ્ટ તથા સહયોગીઓ દ્વારા કર...

    Khergam updates: ઉતાર ફળિયા વાડ પ્રાથમિક શાળામાં કેશ ગૂંથણ અને મહેંદી સ્પર્ધા યોજાઈ. ખેરગામ, તા. 8 ઓગસ્ટ, 2026: ખેરગામ તાલુકાની ઉતાર ફળિયા વાડ પ્રાથમિક શાળા ખાતે તા. 8 ઓગસ્ટના રોજ વિદ્યાર્થીઓમાં સર્જનાત્મકતા, કલાત્મક કૌશલ્ય અને આત્મવિશ્વાસનો વિકાસ થાય તે હેતુથી કેશ ગૂંથણ અને મહેંદી સ્પર્ધાનું આયોજન કરવામાં આવ્યું હતું. આ સ્પર્ધામાં ધોરણ 6 થી 8ની દીકરીઓએ ઉત્સાહપૂર્વક ભાગ લીધો હતો. દીકરીઓએ પોતાની કલાત્મક પ્રતિભા અને સર્જનાત્મકતાનું સુંદર પ્રદર્શન કર્યું હતું. સ્પર્ધામાં પ્રથમ, દ્વિતીય અને તૃતીય ક્રમાંક મેળવનાર દીકરીઓને પ્રોત્સાહક ઇનામ આપી સન્માનિત કરવામાં આવી હતી. જેના કારણે વિદ્યાર્થીઓમાં આનંદ અને ઉત્સાહનો માહોલ જોવા મળ્યો હતો. આ અંગે શાળાના આચાર્યશ્રી વિજયકુમાર પટેલે માહિતી આપતાં જણાવ્યું હતું કે, શાળામાં યોજાતી આવી રચનાત્મક અને કૌશલ્યવર્ધક પ્રવૃત્તિઓ વિદ્યાર્થીઓને પોતાની પ્રતિભા રજૂ કરવા માટેનું મંચ પૂરું પાડે છે. આવી પ્રવૃત્તિઓના માધ્યમથી વિદ્યાર્થીઓમાં આત્મવિશ્વાસ વધશે અને તેમની સર્જનાત્મક શક્તિઓને નવી દિશા મળશે તેવી તેમણે આશા વ્યક્ત કરી હતી. સમગ્ર કાર્યક્રમ શાળા...